Виктория Графеева Қазақстан чемпионатының финалына шықты

Қазақстан чемпионатында 60 келіге дейінгі салмақта өнер көрсеткен Виктория Графеева финалға жолдама алды.

Таразда өтіп жатқан жарыстың жартылай финалында ол тәжірибелі боксшы Римма Волосенконы 5:0 есебімен жеңді.

Осылайша, әлемдік жарыстардың жүлдегері Графеева чемпиондық атаққа таласады. Ал Волосенко ел біріншілігінің қола жүлдегері атанды.

6 қарашаға дейін жалғасатын чемпионатта жеңімпаздар анықталады.

Айта кетейік, бұған дейін Назым Қызайбай Жайна Шекербекті жеңіп, финалға шыққан еді.

Біздің серіктес: Sport12kz