1 күн бұрын
World Boxing тарапынан қорғаныс бас киімі жайлы ұсыныс қолдау таппады
Фото: olympic.kz
Панамадағы World Boxing конгрессінде ерлер (ересектер) арасындағы жарыстарда қорғаныс бас киімі қолданысқа енгізу жөніндегі ұсынысқа қатысты нақты шешім қабылданды, деп хабарлайды Sport12.kz.
Бұл жөнінде Қазақстан бокс федерациясы мәлім етті.
Қазірге дейін спортшылардың қауіпсіздігі үшін кейбір мамандар қорғаныс бас киіміне қатысты ұсыныс білдірген еді. Ол боксшылардың ауыр жарақат алып, жекпе-жек мерзімінен бұрын аяқтаудың алдын алуды басты себеп ретінде айтылған еді. Нәтижесінде ережеге өзгеріс енгізу көптен бері талқыланды.
World Boxing спортшылар мен жаттықтырушылар арасында сауалнама өткізді. Олардың басым көпшілігі өзгерісті қолдаған. Алайда, Панамадағы конгресс барысында осы өзгеріс тағы да кеңінен талқыланды және делегаттар дауыс берді. Нәтижесінде ережені өзгеріссіз қалдыруға шешім қабылданды.
Еске салсақ, Панамада World Boxing Конгрессі өтті. Жүзге жуық мемлекеттің делегаты қатысқан жиында халықаралық ұйымның басшылығы, бірнеше комитеті мен бокс федерациялары өкілдерінің есебі ұсынылды.
Біздің серіктес: Sport12kz