49 жасар өзбекстандық гимнаст әлем кубогында топ жарды

Өзбекстандық гимнаст Оксана Чусовитина спорттық гимнастикадан әлем кубогының жеңімпазы атанды.

Әзірбайжан астанасы Баку қаласында өткен әлемдік додада 49 жасар Оксана тіреп секіру сайысында 13,516 ұпай жинап, алдына жан салмады.

Күміс пен қола жүлдеге словениялық қос спортшы Тея Белак (13,336) пен Тьяса Кисселеф (13,283) ие болды.

Оксана — сегіз олимпиадада (1992, 1996, 2000, 2004, 2008, 2012, 2016, 2020) өнер көрсеткен аңыз спортшы. Ол Парижде өткен жазғы ойындарға жарақатына байланысты қатыса алмады.

Айта кетейік, Оксана 2021 жылы мансабын аяқтағанын мәлімдеген болатын. Бірақ араға бірнеше ай салып үлкен спортқа қайта оралды.

Біздің серіктес: Olimpbet қосымшасын пайдалан