10.03.2025
«Ахмат» клубының ойыншысы Максим Самородовтың мықты тұсын атады
Қанат Байұзақов
«Ахмат» клубының жартылай қорғаушысы Владислав Камилов «Матч ТВ» арнасына берген сұхбатында қазақстандық шабуылшы Максим Самородовтың Ресей чемпионатындағы болашағына қатысты пікір білдірді.
Жұма күні өткен РПЛ-дың 20-турында «Ахмат» сырт алаңда «Локомотивпен» 1:1 есебімен тең түскен еді. Самородов 40-минутта гол соғып, есепті теңестірді.
– Максим бұл маусымда «Крылья Советов» қақпасына да тамаша гол соқты. Ол айып алаңында ойынды өз қолына алып, шешуші сәттерде батыл әрекет етеді. Бұл – оның басты ерекшелігі, – деді Камилов.
– Ол қандай деңгейге дейін өсе алады?
– Барлығы өзіне байланысты. Егер дәл осылай ойнауды жалғастырса, Ресей чемпионатының үздік футболшыларының біріне айналады, – деп атап өтті Камилов.
Біздің серіктес: Olimpbet қосымшасын пайдалан
