«Аталанта» – «Қайрат» матчының билет бағасы белгілі болды

Италиялық La Gazzetta dello Sport басылымы Конференция лигасы аясында өтетін «Аталанта» мен алматылық «Қайрат» арасындағы матч билеттерінің бағасын жариялады, деп хабарлайды Sport12.kz.

Кездесуге арналған билеттердің ең төменгі бағасы – 16 еуро (шамамен 8 мың теңге). Басқа секторлардағы орындар 22 еуродан (шамамен 11 мың теңге) және 38 еуродан (шамамен 19 300 теңге) басталады. Ал Sky Box Sud аймағы мен құрметті қонақтарға арналған сектордағы орындардың құны кемінде 217 еуроға (шамамен 110 мың теңге) жетеді.

Қазақстанда туған және/немесе тұратын жанкүйерлер билеттерді тек қонақтарға арналған сектордан сатып ала алады. Ол үшін «Қайрат» клубының билет сату арналарына жүгіну қажет.

Конференция лигасының жалпы кезеңіндегі үшінші тур аясында өтетін «Аталанта» – «Қайрат» матчы 5 қарашада Бергамодағы New Balance Arena стадионында болады. Кездесу Қазақстан уақытымен 22:45-те басталады.

Біздің серіктес: Sport12kz