«Интер Майами» соңғы минутта есепті теңестірді

«Интер Майами» АҚШ-тың MLS чемпионаты аясында өз алаңында «Цинциннатимен» 2:2 есебімен тең түсті, деп хабарлайды Sport12.kz.

29 қазанға қараған түні өткен кездесудің бірінші таймында гол соғылған жоқ. Екінші таймда Луис Суарес 61-минутта алаң иелерін алға шығарды. Алайда 80-минутта Кенджи Мбома Дем есепті теңестірді. 86-минутта Самуэль Гиди «Цинциннатиді» алға шығарғанымен, 90-минутта Рикельме Филлипи «Интер Майамиге» тең есепті сақтап қалуға көмектесті. Ол MLS-тегі алғашқы голын соқты.

Команда капитаны Лионель Месси бұл кездесуде нәтижелі әрекетімен көзге түспеді. Ол 44-минутта сары қағаз алды.

Осы тең ойыннан кейін «Интер Майами» 56 ұпаймен Шығыс конференциясында үшінші орынға түсті. Ал «Нью-Инглэнд Революшн» 58 ұпаймен екінші орынға көтерілді. Екі командаға да тұрақты чемпионат аясында екі матчтан өткізу қалды.

Месси бастаған команда келесі кездесуін 1 қарашада сырт алаңда «Нью-Инглэнд Революшнға» қарсы өткізеді. Ал 7 қарашада «Шарлоттты» қабылдайды.

Біздің серіктес: Sport12kz