«Ордабасы» бапкері болашағына қатысты шешімді қашан қабылдайтынын мәлімдеді

Шымкенттік «Ордабасы» командасының бас бапкері Андрей Мартин маусым аяқталғаннан кейін клубтан кетуі мүмкін екені туралы ақпаратқа қатысты пікір білдірді, деп хабарлайды Sport12.kz.

Молдова маманының айтуынша, оның клубпен келісімшарты 2026 жылдың 30 қарашасына дейін жарамды. Ал одан әрі әріптестікті жалғастыру-жалғастырмау туралы шешім Қазақстан кубогының финалынан кейін қабылданады.

«Әзірге ешқандай түсініктеме бере алмаймын. Келісімшартым 30 қарашаға дейін жарамды. Болашағыма қатысты барлық шешімді кубок финалынан кейін қабылдаймыз. Келісімшартты ұзарту да, мансабымның жаңа кезеңіне қадам басу да мүмкін. Барлығы клубпен жүргізілетін келіссөздердің нәтижесіне байланысты», – деді Мартин.

Бұған дейін БАҚ-та «Ордабасы» басшылығы бапкермен келісімшартты ұзартуды жоспарламайтыны және финал нәтижесіне қарамастан онымен қоштасуы мүмкін екені туралы ақпарат тараған болатын.

Еске салайық, Андрей Мартин шымкенттік клубты 2024 жылдың желтоқсанында басқарды. Оның жетекшілігімен «Ордабасы» 2026 жылғы маусымда Қазақстан чемпионы атанып, клуб тарихындағы екінші чемпиондық атағын жеңіп алды. Бұған дейін команда 2023 жылы ел чемпионы болған.

Шымкенттік клуб үшін маусымдағы соңғы матч Қазақстан кубогының финалы болмақ. «Ордабасы» 7 қарашада «Түркістан Арена» стадионында қызылордалық «Қайсармен» кездеседі. Егер жеңіске жетсе, шымкенттік команда тарихында алғаш рет бір маусымда Қазақстан чемпионаты мен кубогын қатар жеңіп алады.

Біздің серіктес: Sport12kz