«Атырау» құрамында өзгеріс болуы мүмкін

Беларусьтік қақпашы Егор Хаткевичтің «Атыраудан» кетуі мүмкін екені хабарланды, деп хабарлайды Sport12.kz.

38 жастағы футболшының клубпен келісімшарты биылғы жылдың соңында аяқталады. Мәлімет бойынша, «Атырау» басшылығы қақпашымен келісімді ұзартуды жоспарлап отырған жоқ. Қазір клуб оның орнына келетін ойыншыны іздестіріп жатыр.

2026 жылғы маусымда Хаткевич «Атырау» сапында барлық турнирде 23 матч өткізіп, 29 гол жіберіп алды. Оның бес кездесуінде қақпасы доп өткізбей сақталды.

Айта кетейік, «Атырау» Қазақстан Премьер-лигасының аяқталған маусымында 30 ұпай жинап, 13-орынға тұрақтады.

Егор Хаткевичтің трансферлік құны 75 мың еуроға бағаланады. Беларусьтік легионер Қазақстанда 2023 жылдан бері өнер көрсетіп келеді. «Атыраудан» бөлек, 2025 жылы «Тұран» клубының намысын қорғаған.

Қазақстанға келгенге дейін қақпашы Беларусьтің «Динамо» (Минск), «Ислочь», «Торпедо-БелАЗ», «Нафтан», «Гомель», «Витебск» және басқа да клубтарында ойнаған.

Біздің серіктес: Sport12kz