«Аталанта» мен «Қайрат» арасындағы матчта кімдер төрелік етеді?

Футболдан UEFA Конференция лигасының үшінші туры аясында «Аталанта» (Бергамо, Италия) - «Қайрат» (Алматы, Қазақстан) кездесуінде кімдердің төрелік ететіні белгілі болды, деп хабарлайды Sport12.kz.

Бұл кездесу 5 қарашада Қазақстан уақытымен 22:35-те басталып, «Qazsport» телеарнасынан тікелей эфирде көрсетіледі.

Кездесу барысында аустриялық Юлиан Вайнбергер бас төреші болса, оған отандастары Максимилиан Кольбич Андреас Хайндрайх көмектеседі. Төртінші төреші де сол елдің өкілі - Штефан Эбнер болса, VAR төрешісі міндетін Алан Кияс атқарады.

Алғашқы екі турда «Қайрат» Латвияның «Рига» клубымен (1:1) тең ойнаса, Грекияның «Панатинаикосына» (1:5) есе жіберді.

«Аталанта» алдымен Кипрдің «Пафосын» (3:1) қапы қалдырса, Нидерландтың «Аяксына» (0:2) жол берді.

«Аталанта» командасы 1907 жылы құрылған. Бергамолық ұжым өзінің тарихында 2019, 2020, 2021 жылдары А сериясында үш мәрте қола жүлдегер атанса, 1963 жылы Италия кубогын төбесіне көтерді. 2024 жылы UEFA Еуропа лигасының бас жүлдесін жеңіп алды.

Еске салсақ, футболдан Қазақстан әйелдер ұлттық құрамасының УЕФА Ұлттар лигасындағы қарсыластары анықталды.

Біздің серіктес: Sport12kz