«ПСЖ» Чемпиондар лигасында сегіз минутта төрт гол соқты

Франциялық «ПСЖ» Чемпиондар лигасының жалпы кезеңіндегі төртінші турда сырт алаңда испаниялық «Вильярреалды» 6:0 есебімен ойсырата жеңді, деп хабарлайды Sport12.kz.

Вильярреалдағы «Эстадио де ла Серамика» стадионында өткен кездесудің алғашқы таймында париждіктер сегіз минуттың ішінде төрт гол соқты. 9-минутта Жоау Невеш есеп ашса, 12-минутта Дезире Дуэ, 13-минутта Сенни Меюлю, ал 17-минутта Фабиан Руис мергендігімен көзге түсті.

Екінші таймда Фабиан Руис 50-минутта дубль авторы атанды. Ал 78-минутта Давид Боли матчтың соңғы голын соқты.

Осы жеңістен кейін «ПСЖ» 12 ұпай жинап, жалпы кезеңнің турнир кестесінде көш бастап тұр. Ал «Вильярреалдың» төрт матчтан кейін үш ұпайы бар.

Келесі турда «ПСЖ» италиялық «Ромамен», ал «Вильярреал» чехиялық «Славиямен» кездеседі.

Біздің серіктес: Sport12kz