«Реал» Чемпиондар лигасында АЕК-пен кездеседі

Бүгін, 4 қарашада, Афинада Чемпиондар лигасының жалпы кезеңіндегі төртінші тур аясында грекиялық АЕК пен мадридтік «Реал» кездеседі, деп хабарлайды Sport12.kz.

Матчтың тікелей трансляциясы Қазақстан уақытымен сағат 22:45-те басталады.

Үш турдан кейін «Реалдың» еншісінде тоғыз ұпай бар. Ал АЕК үш ұпай жинаған.

Жозе Моуринью жаттықтыратын мадридтік клуб турнирді үш жеңіспен бастады. «Реал» италиялық «Интерді» (2:1) және «Романы» (4:1), сондай-ақ германиялық «РБ Лейпцигті» (4:1) жеңді.

АЕК алғашқы турда австриялық ЛАСК-ты 1:0 есебімен ұтқанымен, кейін украиналық «Шахтерден» (1:3) және ағылшындық «Манчестер Ситиден» (1:5) жеңіліп қалды.

Екі команда соңғы рет 2002 жылғы 23 қазанда Чемпиондар лигасының топтық кезеңінде кездескен. Мадридте өткен сол матч 2:2 есебімен аяқталған.

Біздің серіктес: Sport12kz