Қазақстан жастар құрамасы Беларуське қарсы екі жолдастық матч өткізеді

Қазақстанның жастар құрамасы қараша айында Беларусь U-21 командасымен екі жолдастық матч өткізеді. Кездесулер 12 және 15 қарашада Шымкенттегі «Намыс» стадионында өтеді.

Аға бапкер Владимир Чебурин алдағы ойындарға 23 футболшыны шақырды. Олардың қатарында Словакияның «Баник» клубында ойнайтын шабуылшы Шахмұрза Әділбеков те бар.

Құрамаға шақырылған ойыншылар:

Қақпашылар: Шерхан Қалмұрза («Қайрат»), Әбілқайыр Әлиақбар («Алтай»), Саятхан Құсайынов («Тұран»).

Қорғаушылар: Әмірбек Базарбаев, Мұстафа Шен, Данияр Ташпулатов, Адлан Нұрғалиев («Қайрат»), Елхан Саидов, Темірлан Мұрзағалиев («Тұран»), Нұрали Елемес («Каспий»), Темірлан Төребек («Тараз»).

Жартылай қорғаушылар: Мұхамедәлі Әбіш, Кәрім Махаметжан («Қайрат»), Мирас Уманиязов, Әділбек Бегімов («Ақтөбе»), Асан Байғалиев («Елімай»), Роман Асылбаев («Шахтер»).

Шабуылшылар: Мансұр Бірқұрманов («Қайрат»), Арсен Ахметов, Мақсат Абраев («Астана»), Ислам Нұрмұхаммед («Каспий»), Мирам Кикбаев («Ақтөбе»), Шахмұрза Әділбеков («Баник», Словакия).

Біздің серіктес: Sport12kz