Қазақстандық маман «Қайраттың» қазіргі жағдайына баға берді

Қазақстан құрамасының бұрынғы қақпашысы, ҚПЛ-дің бірнеше клубында өнер көрсеткен Алмат Бекбаев «Аталанта» мен «Қайрат» арасындағы Конференция лигасының алдағы матчы туралы пікір білдірді, деп хабарлайды Sport12.kz.

Маман алматылық клубты қиын кездесу күтіп тұрғанын атап өтіп, команданың қазіргі жағдайына қатысты алаңдаушылығын жеткізді.

«Қайратты» оңай матч күтіп тұрған жоқ. Дегенмен Қазақстанның кем дегенде бір командасы еурокубоктердің негізгі кезеңінде өнер көрсетіп, еліміздің намысын қорғап жатқанына қуануымыз керек.

Қазақстан чемпионаты аяқталды. «Қайраттың» бапкерлер штабында өзгерістер болды. Қазір командада белгісіздік байқалады. Сондықтан бүгінгі матчқа футболшылардың қандай жағдайда келетінін болжау қиын», – деді Алмат Бекбаев.

Айта кетейік, «Аталанта» – «Қайрат» кездесуі бүгін, 5 қарашада Италияның Бергамо қаласында өтеді. Матч Астана уақытымен сағат 22:45-те басталады.

Біздің серіктес: Sport12kz