Бразилияда бір футбол матчында 53 қызыл қағаз көрсетілді

Бразилияда 20 жасқа дейінгі футболшылар арасындағы кездесу жаппай төбелеске ұласып, төреші 53 қызыл қағаз көрсетті.

«Уберландия» мен «Маморе» командалары арасындағы ойынның 54-минутында гол соғылғаннан кейін футболшылар арасында жанжал туындады. Төбелеске екі команданың бапкерлері мен клуб өкілдері де араласты.

Нәтижесінде төреші 43 футболшыны, бапкерлік құрамның 8 мүшесін және 2 менеджерді алаңнан қуды. Осылайша бір матчта көрсетілген қызыл қағаз саны бойынша әлемдік рекорд жаңарды.

Жанжалдан кейін ойын тоқтатылды. Сол сәтте 3:1 есебімен алда тұрған «Маморе» жеңімпаз деп танылды.

Бұған дейінгі рекорд 2011 жылы Аргентинада тіркелген. Ол кезде бір кездесуде 36 қызыл қағаз көрсетілген еді.

Біздің серіктес: Sport12kz