Андрей Демченко «Жеңістің» алдында қандай міндет тұрғанын айтты 

«Жеңіс» командасының жаңа бас бапкері Андрей Демченко елордалық клубқа қайта оралуы жөнінде пікірін білдірді, деп хабарлайды Sport12.kz.

- «Жеңіске» қайта оралғаныма өте қуаныштымын. Бұл маусымда алдымызда өте үлкен әрі биік міндеттер тұр. Бірге, үміттенемін, үлкен белестерге жетеміз, - деді ол.

Демченко 2025 жылғы Қазақстан Премьер-Лигасы маусымы барысында команда тізгінін уақытша қолға алған еді. Ол грек маманы Акис Вавалис пен Пиралы Алиевті алмастырған. Бұрынғы бапкерлер 12 ойында бірде-бір жеңіске жете алмаған еді.

Демченконың басшылығымен «Жеңіс» 14 матчта 8 рет жеңді, 5 рет тең түсті, 1 рет ұтылды. Сонымен қатар команда Қазақстан кубогының жартылай финалына дейін шықты.

Одан кейін украиналық маман Әзербайжанның «Араз-Нахчыван», Грузияның «Иберия 1999» клубтарында қызмет атқарды.

Андрей Демченко 1976 жылы Украинада дүниеге келген. Спорттық мансабында Ресейдің ЦСКА, Нидерландтың «Аякс», Украинаның «Металлург» (Запорожье), «Ильичевец», «Оболонь», «Гелиос», Молдованың «Дачия» клубтарында доп тепкен.

2011 жылдан бері бапкерлік қызметінде Украинаның «Имекс», «Металлург» (Запорожье), «Львов», «Металлист-1925», «Буковина», Грузияның «Дила», «Динамо» (Батуми) клубтарында еңбек етті.

Біздің серіктес: Sport12kz