«Манчестер Юнайтедке» жаңа бас бапкер тағайындалды

Аргентиналық Маурисио Почеттино «Манчестер Юнайтед» командасының жаңа бас бапкері болды, деп хабарлайды Sport12.kz.

Маурисио Почеттино 1972 жыл 2 наурызда Аргентинада дүниеге келген. Ол кәсіби мансабын Аргентинаның «Ньюэллс Олд Бойз» клубында бастаған. Одан кейін «Эспаньол» (Испания), «Пари Сен-Жермен» (Франция), «Бордо» (Франция) клубтарында өнер көрсетті.

Аргентина ұлттық құрамасы сапында 20 матч өткізіп, 2002 жылғы әлем чемпионатына қатысты.

Бапкерлік жолын 2009 жылы «Эспаньол»(Испания) клубында бастап, одан кейін «Саутгемптон» (Англия), «Тоттенхэм Хотспурс» (Англия), «Пари Сен-Жермен» (Франция), «Челси» (Англия) клубтарының тізгінін ұстады. 2024 жылдан бері АҚШ ұлттық құрамасында бас бапкер қызметін атқарып келді.

Айта кетсек, 11 қарашада «Манчестер Юнайтедтің» баспасөз қызметі ресми сайтта команданың бас бапкері қызметін атқарған Майкл Кэррикпен қоштасқанын жариялаған болатын.

«Манчестер Юнайтед» Англия Премьер-лигасының турнир кестесінде 18-орында тұр. Биылғы маусымның алғашқы 10 матчында тек бір мәрте жеңіске жеткен.

Біздің серіктес: Sport12kz