Cамат Смақов: Гол соғылмаса, жеңіс те болмайды

«Жетісу» бас бапкері Самат Смаков Премьер-лиганың 2-турында «Ұлытауға» қарсы өткен тең ойын (0:0) туралы пікір білдірді.

Самат Смаков:

– Екі тең дәрежелі команда ойнады. Біреуінің айқын басымдығы болды деп айту қиын. Қорғаныста екі команда да қателіктерге бой алдырды. Сондай-ақ, әрқайсысының гол соғатын мүмкіндіктері болды. Ойын соңында «Ұлытау» бізді кешірді. Олар допты қақпа бағанасына тигізді. Ал біз бұған дейін өз сәтімізді пайдалана алмадық. Сондықтан ойын тең дәрежеде өтті.

Өз командам туралы айтар болсам, өте баяу қимылдадық. Бірінші тайм мүлдем ұнаған жоқ. Өз командамды танымай қалдым. Екінші таймда біз күткен футбол көріне бастады. Бірақ гол соғылмаса, жеңіс те болмайды. Голсыз жеңіске жету қиын.

Біздің серіктес: Olimpbet қосымшасын пайдалан