Бүгін «Қайрат» пен «Семей» Чемпиондар лигасында кезекті ойынын өткізеді

Бүгін қазақстандық «Қайрат» (Алматы) және «Семей» клубтары футзалдан UEFA Чемпиондар лигасы А жолының негізгі кезеңінде кезекті ойынын өткізеді, деп хабарлайды Sport12.kz.

Алдымен семейлік клуб 31 қазанда сағат 20:00-де Швейцарияның «Минерва» командасымен кездеседі.

Айта кетсек, қазақстандық команда бірінші топта сынға түседі. Қарсыластары – «Барселона» (Испания), «Лученец» (Словакия), «Минерва» (Швейцария).

Айта кетсек, қазірге дейін семейлік клуб Словакияның «Лученец» командасын 6:0 есебімен қапы қалдырса, «Барселонаға» 1:6 есебімен есе жіберді.

Ал, швейцариялық клуб «Барселонадан» 1:6 есебімен есе жіберсе, «Лученецті» 4:3 есебімен қапы қалдырды.

Сондай-ақ бүгін қазақстандық «Қайрат» 31 қазаннан 1 қарашаға қараған түні Қазақстан уақытымен 00:30-да Бельгияның «Андерлехт» командасымен кездеседі. Ойын

Олар бұған дейін Латвияның «Бейтар» клубын 5:3 есебімен жеңсе, «Андерлехт» аталған команданы 6:0 есебімен тізе бүктірді.

https://kaz.inform.kz/news/kayrat-futzaldan-chempiondar-ligasin-zhenspen-bastadi-b7d8e52c/

Алдағы екі ойын «Qazsport» телеарнасынан тікелей эфирде көрсетіледі.

Жарыс ережесіне сәйкес әрбір топтан алғашқы үштікте тұрған командалар плей-офф сатысына шығады. Былтыр «Семей» мен «Қайрат» плей-офф сатысында сынға түсуге мүмкіндік алған еді.

Біздің серіктес: Sport12kz