«Барыс» Минскіде «Динамоға» қарсы ойнайды

«Барыс» Құрлықтық хоккей лигасындағы сырт алаңдағы сапары аясында Минскінің «Динамосымен» кездеседі. Бұл астаналық клубтың батыс бағытындағы сапарында кездесетін екінші қарсыласы болмақ, деп хабарлайды Sport12.kz.

Беларусь астанасының командасы өткен сенбіде сырт алаңда «Торпедоны» овертаймда 2:1 есебімен жеңді. Минскілік клуб сапынан Сергей Кузнецов пен Сэм Энес шайба соқты. Қақпашы Зак Фукале қарсыластың қақпаға бағыттаған 25 соққысын қайтарды.

Сергей Брылин матчтың басым бөлігінде команда қажетті қарқынды сақтап, шайбамен дұрыс ойнағанын атап өтті. Дегенмен ойын соңындағы айып минуттары нәтижеге кері әсер етуі мүмкін екенін айтты.

«Динамо» 19 матчтан кейін 20 ұпай жинап, тұрақты чемпионаттағы өнерін жалғастырып жатыр. Кристофер Тирни (3+16) команда көшбасшыларының бірі саналады. Жарақат алған ойыншылар қатарында Василий Демченко, Сергей Калинин және Николас Мелош бар.

Ал «Барыс» дүйсенбі күні Екатеринбургте «Автомобилистке» 1:4 есебімен есе жіберді. Қазақстандық клуб сапынан Джейк Масси гол соқты. Қақпашы Хантер Шепард 31 соққыны қайтарды.

Бас бапкер Михаил Кравец команда матчтың бастапқы бөлігінде нашар ойнағанын және бұл жағдай кездесудің кейінгі барысына әсер еткенін айтты.

19 ойыннан кейін «Барыстың» еншісінде 21 ұпай бар. Джастин Бэйли (12+9) тұрақты чемпионаттың үздік сұрмергендері мен бомбардирлері қатарында көш бастап келеді.

Минскінің «Динамосы» мен «Барыс» арасындағы матч Қазақстан уақытымен 21:10-да басталады.

Біздің серіктес: Sport12kz