Михаил Кравец: «Әсетовтің төбелесі «Барыс» ойыншыларын оятты»

«Барыстың» бас бапкері Михаил Кравец Құрлықтық хоккей лигасындағы Қытайдың «Шанхай Дрэгонс» (Шанхай) командасына қарсы ойыннан кейін пікірін білдірді, деп хабарлайды Sport12.kz.

Бұл кездесуде елордалық клуб қарсыласынан 4:2 есебімен басым түсті. Бұл — олардың қатарынан екінші жеңісі.

- Бірінші кезеңді жақсы бастамадық. Әрине, шаршаңқылық сезілді: қатарынан бесінші сырттағы ойын, жігіттерге бірден ойынға кірісу оңай болған жоқ. Бірақ екінші кезеңде Әсетов төбелесімен құраманы оятты. Жігіттер оны қолдап, көбірек күресе бастады. Жақсысы, көпшілікте гол соғып, ойынға оралдық. Ал үшінші кезеңді өте жақсы өткіздік деп санаймын. Команда серіппе сияқты жұмыс істеді: шабуылдап, бірден қорғанысқа жиналды, керісінше де солай. Азшылықтағы ойынға өте қуаныштымыз - жігіттер керемет ойнады. Әрине, қақпашы да көмектесті. Қарсылас қиын, бізге оңай болған жоқ. Бірақ жеңіп, ұпаймен үйге қайтып бара жатқанымызға қуаныштымын. Енді екі күн демалыс, содан кейін қайтадан Челябіге және Қиыр Шығысқа сапар. Үшінші кезең - бұл тек мінез ғана емес, дайындық та. Дене шынықтыру бапкерлері жақсы жұмыс істеді деп санаймын. Жігіттер үшінші кезеңдерді өте жақсы өткізіп жүр. Минскідегі ойыннан кейін команда жеңілуден қорықпай, жеңгісі келді деп айтқанбыз. Бүгін екінші және үшінші кезеңдерде де солай болды. Барлығы жеңгісі келді және хоккей ойнаудан қорықпады. Сондықтан нәтиже келді, - деді ол.

Енді қазақстандық клуб алдағы үш ойынын Ресейде өткізеді. Алдымен 4 қарашада Ресейде «Трактор» (Челябі) клубымен кездессе, одан кейін 6 қарашада «Адмирал» (Влаивосток), 8 қарашада «Амур» (Хабаровск) командаларымен ойнайды.

Біздің серіктес: Sport12kz