«Барыс» жарақат алған екі хоккейшісінің жағдайын хабарлады

Астаналық «Барыс» командасы негізгі құрамдағы жарақат алған хоккейшілер Всеволод Логвин мен Мәди Диханбектің қазіргі жағдайы туралы ақпарат берді. Бұл туралы Sport12.kz хабарлайды.

Клубтың мәліметінше, Всеволод Логвин негізгі құраммен бірге екі жаттығуға қатысып, командамен бірге сырт алаңдағы ойынға аттанған. Ал Мәди Диханбек жарақат алған ойыншылар тізімінен шығарылғанымен, әзірге Астанада жеке бағдарлама бойынша жаттығуын жалғастырып жатыр.

Айта кетейік, бүгін «Барыс» Құрлықтық хоккей лигасы аясында Челябіде «Трактормен» кездеседі. Матч Қазақстан уақытымен сағат 16:00-де басталады.

21 ойыннан кейін «Барыстың» еншісінде 25 ұпай бар. Ал «Трактор» дәл осындай кездесулерден кейін 19 ұпай жинаған.

Біздің серіктес: Sport12kz