Қазақстан хоккей құрамасы камбэк жасап, Азия чемпионатында Жапонияны жеңді

Шайбалы хоккейден Қазақстан құрамасы Оңтүстік Кореяның Чонджу қаласында өтіп жатқан 2027 жылғы Азия чемпионатының алғашқы матчында Жапонияны 3:2 есебімен жеңді.

Талғат Жайлауов бастаған команда оцйында жеңіліп жатып, жеңісті жұлып алды. Жапония құрамасы Юто Танэичи мен Сюнта Кимураның шайбаларынан кейін екі рет есепте алға шықты. Қазақстандықтар сапынан Максим Мұхаметов, Александр Мигунов және Кирилл Никитин мергендік танытты. Никитин 51-минутта жеңіс шайбасын соқты.

«Номад» клубының ойыншылары Александр Мигунов пен Кирилл Никитин жеңіске үлес қосты. Сондай-ақ Никита Мерзликин мен Абай Маңғысбаев нәтижелі пас берді.

Қазақстан құрамасының қақпашысы Владислав Нурек қарсыластың 19 соққысын қайтарды.

Ұлттық құрама келесі кездесуін 7 қарашада Қытайға қарсы өткізеді. Одан кейін, 8 қарашада, Қазақстан хоккейшілері турнир қожайыны Оңтүстік Кореямен кездеседі.

Біздің серіктес: Sport12kz