Дзюдодан Хорватиядағы турнирге кімдер қатысады?

Хорватияның Загреб қаласында 13-15 қараша күндері дзюдодан Grand Prix турнирі өтеді, деп хабарлайды Sport12.kz.

Халықаралық жарыста Қазақстан намысын 19 дзюдошы қорғайды.

Ертең, 13 қарашада ел намысын сегіз балуан қорғайды. Олардың қатарында ерлер арасында 60 келіде Аман Бақытжан мен Нұрәділ Әлжан, 66 келіде Нұрқанат Серікбаев, әйелдерде 48 кгеліде Әбиба Әбужақынова мен Ғалия Тынбаева, 52 келіде Аружан Ережепова мен Меруерт Сәрсенова, 57 кгеліде Дана Әбдірова бар.

Екінші жарыс күні, 14 қарашада ерлерде 73 келіде Бақытжан Абдурахманов пен Данияр Шамшаевқа, әйелдерде 63 келіде Эсмигуль Куюлова мен 70 кгеліде Ажар Асхатқа сенім артамыз.

Ал үшінші жарыс күні, 15 қарашада ерлерде 90 келіде Ермахан Әнуарбеков пен Нұржан Бисенов, 100 келіден жоғары салмақта Ерасыл Қажыбаев пен Жантiлек Нұртілепұлы әйелдерде 78 келіде Екатерина Токарева, 78 келіден жоғары салмақта Аида Тойшыбекова мен Камила Берліқаш татамиге шығады.

Жарыстың басталу уақыты Қазақстан уақытымен сағат 13:45-ке белгіленсе, финалдық белдесу 21:00-ге жоспарланған.

Еске салсақ, қазақстандық дзюдошы Фатима Сұпығалиева Сенегалдың Дакар қаласында өтіп жатқан жасөспірімдер Олимпиадасында алтын медаль жеңіп алды.

Біздің серіктес: Sport12kz