09.01.2025

Дзюдошылар жаңа маусымға дайындықты бастады

Фото: Қазақстан дзюдо федерациясы

Бүгін, 9 қаңтар күні дзюдодан Қазақстан ұлттық құрама командасы 2025 жылдың алғашқы жаттығуына кірісті.

Қазақстан дзюдо федерациясының хабарлауынша, ұлттық құрама спортшылары Астана қаласындағы Жақсылық Үшкемпіров атындағы жекпе-жек сарайында 19 қаңтарға дейін жаттығады.

Оқу-жаттығу жиынына барлығы 100-ге жуық татами шебері қатысып жатыр. Жаттығу жиынына Олимпиада ойындарының қола жүлдегері Ғұсман Қырғызбаев, әлем чемпионатының қола жүлдегері Абиба Абужақынова, Grand Slam жарысының жеңімпазы Мағжан Шамшадин, Нұрқанат Серікбаев, Ғалия Тынбаева, сондай-ақ, 2024 жылғы Қазақстан чемпионатының жеңімпаз-жүлдегерлері шақырту алған.