Қазақстандық қос балуан қазақ күресінен күміс медаль жеңіп алды

Қырғызстанда өтіп жатқан VI Дүниежүзілік көшпенділер ойындарында қазақ күресінен Қазақстан құрамасынының қоржынына екі бірдей күміс жүлде түсті.

Жарыс қорытындысы бойынша Нұрдәулет Бақтыбайұлы мен Нұрдәулет Жарылғапов өз салмақтарында финалға дейін жетіп, күміс жүлдені місе тұтты..

Нұрдәулет Жарылғапов үшін бұл халықаралық аренадағы кезекті жүлде болды. Ол бұған дейін Әзербайжанның астанасы Бакуде өткен қазақ күресінен әлем чемпионатында күміс медаль жеңіп алған еді.

Айта кетейік, VI Дүниежүзілік көшпенділер ойындары Қырғызстанда 31 тамыз бен 6 қыркүйек аралығында өтіп жатыр. Биылғы додаға әлемнің 90-нан астам елінен спортшылар қатысуда.

Біздің серіктес: Sport12kz