Көшпенділер ойыны: Қазақ-қырғыз көкпаршылары финалда чемпиондық атақты сарапқа салады

Қырғызстанның Бішкек қаласында өтіп жатқан VI Дүниежүзілік көшпенділер ойындарында Қазақстан құрамасы көкпардан ақтық сынға жолдама алды.

Жартылай финалда отандастарымыз Мажарстан құрамасын 9:4 есебімен жеңді. Осылайша қазақстандық шабандоздар жарыстың шешуші кезеңіне өтіп, алтын жүлдеге таласады.

Финалда Қазақстан құрамасы алаң иелері Қырғызстанмен сынға түседі. Екі ел арасындағы тартысты бәсеке 6 қыркүйек, жексенбі күнге жоспарланған.

Айта кетейік, Қазақстан мен Қырғызстан көкпардан Дүниежүзілік көшпенділер ойындарының финалында бұған дейін де кездескен. 2024 жылы өткен V ойындардың шешуші матчында Қазақстан құрамасы қарсыласын 5:4 есебімен жеңіп, чемпион атанған еді.

Біздің серіктес: Sport12kz