Арқан тартыстан Қазақстан құрамасы үшінші алтын медалін жеңіп алды

Қырғызстанда өтіп жатқан VI Дүниежүзілік көшпенділер ойындарында Қазақстан құрамасы арқан тартыстан үшінші алтын жүлдеге қол жеткізді.

1×1 санатында сынға түскен Мейір Рахметқалиев қарсыластарының бәрінен басым түсіп, жарыс жеңімпазы атанды.

Осылайша, Қазақстан құрамасы арқан тартыстың 8×8, 4×4 және 1×1 санаттарының барлығында топ жарып, ел қоржынына қатарынан үш алтын медаль салды.

Айта кетейік, VI Дүниежүзілік көшпенділер ойындары 31 тамыз бен 6 қыркүйек аралығында Қырғызстанда өтіп жатыр.

Біздің серіктес: Sport12kz