Қазақстан көкпардан Ресей құрамасын ойсырата жеңді

Қазақстанның көкпардан ұлттық құрамасы Бішкекте (Қырғызстан) өтіп жатқан Дүниежүзілік көшпенділер ойындарындағы алғашқы матчын өткізді, деп хабарлайды Sport12.kz.

Қазақстандық спортшылар алғашқы кездесуінде Ресей құрамасымен кездесіп, қарсыласын 14:1 есебімен ірі есеппен жеңді.

Қазақстан құрамасы Дүниежүзілік көшпенділер ойындарының қазіргі чемпионы болғандықтан, бірінші турды өткізіп алған еді. Ал Ресей құрамасы алғашқы турда Венгрияны 11:1 есебімен жеңген болатын.

Көкпардан топтық кезеңнің плей-оффқа шығатын командаларды анықтайтын соңғы матчтары 4 қыркүйекте өтеді. Ал медаль үшін шешуші ойындар 6 қыркүйекте ұйымдастырылады.

Біздің серіктес: Sport12kz