Қазақстан көшпенділер ойындарында 32 алтын медаль жеңіп алды

Қазақстан құрамасы Бішкекте өтіп жатқан VI Дүниежүзілік көшпенділер ойындарында алтын медаль санын 32-ге жеткізді, деп хабарлайды Sport12.kz.

Жарыстың алтыншы күнінде қазақстандық спортшылар тоғызқұмалақтан жоғары нәтиже көрсетіп, қоржынға төрт алтын және екі күміс медаль салды.

Ал мангала — дәстүрлі түрік үстел ойынынан Қазақстан құрамасы тағы екі алтын, екі күміс және бір қола жүлде иеленді.

Дегенмен алтыншы жарыс күні Қазақстан үшін екіұдай сипатта өтті. Бұған дейін ұлттық құрама ат спорты бойынша екі маңызды финалда жарыс қожайындары Қырғызстаннан жеңіліп қалды. Қазақстан көк бөрі мен көкпардан күміс медальға ие болды.

Еске салайық, VI Дүниежүзілік көшпенділер ойындары Қырғызстан астанасы Бішкекте 31 тамыз бен 6 қыркүйек аралығында өтуде.

Біздің серіктес: Sport12kz