Артур Смагулов Батумидегі ISU жасөспірімдер Гран-при кезеңінде үздік сегіздікке енді

Қазақстанның жасөспірімдер құрамасы халықаралық серияның үш кезеңінде өнер көрсетті

2026 жылғы қыркүйекте Қазақстанның мәнерлеп сырғанаудан жасөспірімдер құрамасы Халықаралық конькишілер одағының (ISU) жасөспірімдер Гран-при сериясының үш кезеңіне қатысты. Бұл — 19 жасқа дейінгі спортшыларға арналған басты халықаралық серия. Әлемнің көптеген мықты мәнерлеп сырғанаушылары, соның ішінде Олимпиада чемпионы Михаил Шайдоров та осы сериядан өткен.

Ең үздік нәтижені Артур Смагулов көрсетті. Батумидегі кезеңде (Грузия, 23–26 қыркүйек) ол қысқа бағдарламада бесінші орын алып, екі бағдарламаның қорытындысы бойынша 186,24 ұпаймен 26 қатысушының ішінде үздік сегіздікке енді. Сол кезеңде Қазақстан атынан Мария Санникова өнер көрсетіп, 21-орын алды (129,49 ұпай).

Бангкоктегі кезеңде (Таиланд, 2–5 қыркүйек) екі қазақстандық мәнерлеп сырғанаушы да үздік жиырмалыққа енді. Мария Сосновская 127,71 ұпаймен 37 қатысушының ішінде 18-орынға тұрақтады, ал Ералы Шахимурат ерлер арасындағы жекелей сырғанауда 138,91 ұпай жинап, ол да 18-орын алды.

Анкарадағы кезеңде (Түркия, 16–19 қыркүйек) Қазақстан атынан Никита Козлов — 24-орын (137,61 ұпай) және Сафия Абаева — 30-орын (110,59 ұпай) өнер көрсетті.

Жасөспірімдер құрамасының халықаралық жарыстарға қатысуының бас серіктесі — «Самұрық-Қазына» ұлттық әл-ауқат қоры» АҚ. Серіктес — Sport Qory спортты қолдау қоры. Серіктестердің қолдауы қазақстандық мәнерлеп сырғанаушылардың жаңа буынын дайындау және оларды халықаралық деңгейге шығару үшін ерекше маңызға ие.

Біздің серіктес: Sport12kz