Михаил Шайдоров әлемдік рейтингте үздік үштіктегі орнын сақтап қалды

Қазақстандық мәнерлеп сырғанаушы Михаил Шайдоров Франциядағы Гран-при кезеңінде сәтсіз өнер көрсеткеніне қарамастан, әлемдік рейтингте үздік үштік қатарында қалды.

Анже қаласында өткен жарыста Олимпиада чемпионы 10-орынға тұрақтады. Еркін бағдарламада бірнеше қателік жіберіп, мұз үстінде құлап қалды.

Алайда бұл нәтиже оның рейтингтегі жағдайына әсер еткен жоқ. ISU-дың соңғы мәліметі бойынша, Шайдоров 4193 ұпаймен екінші орында тұр.

Рейтинг көшін 4590 ұпай жинаған америкалық Илья Малинин бастаса, үшінші сатыға 4123 ұпайы бар жапониялық Юма Кагияма жайғасқан.

Біздің серіктес: Sport12kz