1 сағат бұрын
Қазақстандық шпагашылар Ташкенттегі әлем кубогында бақ сынайды
3-6 желтоқсан күндері Өзбекстан астанасы Ташкентте семсерлесуден (шпага) әлем кубогының кезекті кезеңі өтеді. Бұл жарыста Қазақстан ерлер құрамасы жекелей және командалық сайыстарға қатысады.
Жекелей бәсекеде ел намысын 12 спортшы қорғайды. Олардың қатарында Руслан Курбанов, Кирилл Проходов, Ерлік Сертай, Вадим Шарлаимов, Нұржан Әбжанов, Эльмир Әлімжанов, Александр Федотов, Алексей Касаткин, Богдан Лукин, Ғабидин Мұстафин, Кирилл Павлов және Георгий Тинников бар.
Ал командалық жарысқа Руслан Курбанов, Кирилл Проходов, Ерлік Сертай және Вадим Шарлаимов қатысады.
Айта кетейік, әлем кубогының алдыңғы кезеңі Швейцарияның Берн қаласында ұйымдастырылды. Онда Вадим Шарлаимов жекелей сында қола медаль жеңіп алған еді.
Біздің серіктес: Sport12kz