Қазақстанның бірінші ракеткасы жарысты ерте аяқтады

Қазақстандық теннисші Анна Данилина Токиода (Жапония) өтіп жатқан WTA 500 санатындағы турнирдің жұптық сынының алғашқы айналымында жеңіліп қалды, деп хабарлайды Sport12.kz.

Данилина жарыстың алғашқы кездесуінде Қытай өкілі Цзян Синьюймен бірге өнер көрсетті. Олардың қарсыластары италиялық теннисшілер Сара Эррани мен Жасмин Паолини болды.

Кездесу екі сетке созылып, италиялық жұп 7:6 (9:7), 6:2 есебімен жеңіске жетті. Матч 1 сағат 27 минутқа созылды.

Алғашқы сет тартысты өтіп, тай-брейкте Эррани мен Паолини 9:7 есебімен басым түсті. Екінші партияда италиялық теннисшілер ойын тізгінін қолға алып, қарсыластарына екі гейм ғана беріп, жеңісті жұлып алды.

Айта кетейік, Данилина мен Цзян турнирде екінші нөмірмен тігілген жұп болғанымен, алғашқы кезеңнен аса алмады. Ал Эррани мен Паолини ширек финалға жолдама алды.

Анна Данилина – Қазақстанның жұптық сындағы жетекші теннисшісі. Токиодағы турнир хард төсенішінде өтіп жатыр.

Біздің серіктес: Sport12kz