Рыбакина мен Путинцева Токиода ширек финалға таласады

29 қазан күні қазақстандық теннисшілер Елена Рыбакина мен Юлия Путинцева Токиода (Жапония) өтіп жатқан WTA 500 санатындағы турнирдің 1/8 финалында кездеседі, деп хабарлайды Sport12.kz.

Матч Астана уақытымен сағат 07:00-де басталады. Кездесуде әлемдік рейтингтің бірінші сатысындағы Рыбакина мен 67-орындағы Путинцева ширек финал жолдамасын сарапқа салады.

Еске салайық, Рыбакина Токиодағы турнирге Қытайдың Нинбо қаласында өткен жарыста жеңіске жеткеннен кейін келді. Ол финалда канадалық Лейла Фернандесті 6:2, 6:2 есебімен ұтты.

Ал Путинцева Токиода үш матч өткізіп үлгерді. Ол іріктеу кезеңінде жапониялық Хая Киносита мен Саяка Исииді жеңіп, негізгі кезеңнің алғашқы айналымында грек теннисшісі Мария Саккариден басым түсті.

Біздің серіктес: Sport12kz