Токиода Рыбакина мен Рахимованың кездесуі өтуі мүмкін

Қазақстандық теннисші Елена Рыбакина (WTA рейтингінде 1-орын) Токиода (Жапония) өтіп жатқан WTA 500 турнирінің жартылай финалындағы қарсыласын білді, деп хабарлайды Sport12.kz.

Ол Өзбекстан өкілі Камилла Рахимова (66-орын) болуы мүмкін. Теннисші ширек финалда австралиялық Майя Джойнтты (94-орын) үш сетте жеңді. Кездесу 7:5, 5:7, 6:1 есебімен аяқталды. Матч 2 сағат 24 минутқа созылды.

Айта кетейік, Рахимова іріктеу кезеңінің финалында жеңілгеніне қарамастан, «лаки-лузер» ретінде негізгі кезеңге жолдама алды. Екінші айналымда ол ресейлік Екатерина Александроваға (33-орын) қарсы сенсация жасап, 6:4, 4:6, 7:6 (7:5) есебімен басым түсті.

Рыбакина жартылай финалға шығу үшін бүгін, 30 қазанда канадалық Лейла Фернандеспен (23-орын) кездеседі. Еске салайық, осыдан бес күн бұрын қазақстандық теннисші Нинбодағы WTA 500 турнирінің финалында Фернандесті 6:2, 6:2 есебімен жеңген болатын.

Бұған дейін Рыбакина Токиода отандасы Юлия Путинцеваны 6:2, 6:3 есебімен ұтты. Осы жеңістен кейін ол мансабында алғаш рет жыл соңында WTA рейтингінің бірінші сатысында қалатынына кепілдік алды.

Турнирдің жартылай финалдық кездесулері 31 қазанға, ал финал 1 қарашаға жоспарланған.

Біздің серіктес: Sport12kz