1 күн бұрын
Мирра Андреева тарихи рекордты қайталады
Ресейлік теннисші Мирра Андреева WTA-2026 қорытынды турниріндегі жеңісінен кейін тарихи жетістікті қайталады, деп хабарлайды Sport12.kz.
OptaAce статистикалық порталының мәліметінше, әлемдік рейтингте үшінші орында тұрған 19 жастағы теннисші қорытынды турнирге алғаш рет қатысып, бірде-бір сетте жеңілмей чемпион атанған тарихтағы үшінші спортшы болды.
Бұған дейін мұндай нәтижеге америкалық Крис Эверт 1972 жылы және Серена Уильямс 2001 жылы қол жеткізген.
Айта кетейік, Эверт бұл жетістікті турнирдің алғашқы ұйымдастырылған жарысында тіркесе, Уильямс 2001 жылы финалдық кездесу өткізбей-ақ чемпион атанған. Оның қарсыласы шешуші матчқа шығудан бас тартқан еді.
15 қарашада АҚШ-тың Индиан-Уэллс қаласында өткен финалда Андреева украиналық Элина Свитолинаны 7:5, 6:3 есебімен жеңді.
Ресейлік теннисші турнир барысында бес жеңіске жетіп, он сетте де басым түсті. Ол Свитолинаны екі рет ұтты. Сонымен қатар Арина Соболенко, Диана Шнайдер және Джессика Пегуладан да басым болды.
Осылайша, Андреева 2004 жылдан бері WTA қорытынды турнирінің ең жас чемпионы атанды. Соңғы рет бұл атақты 17 жасында Мария Шарапова жеңіп алған еді.
Біздің серіктес: Sport12kz