1 күн бұрын
Мирра Андреева әлемнің екінші ракеткасы атанды
Ресейлік теннисші Мирра Андреева WTA рейтингінде бір саты жоғарылап, әлемнің екінші ракеткасы атанды, деп хабарлайды Sport12.kz.
Бұл өзгеріс Андрееваның WTA қорытынды турниріндегі жеңісінен кейін болды. Қазір ол рейтингте тек Қазақстан өкілі Елена Рыбакинадан кейін тұр. Ал Беларусь теннисшісі Арина Соболенко үшінші орынға сырғыды.
Еске салайық, Рыбакина WTA Finals турниріне қатысқан жоқ. Ол алғашқы матч алдында сырқатына байланысты жарыстан бас тартты. Ал Соболенко топтық кезеңнен өте алмады.
Рейтингтің төртінші сатысында америкалық Кори Гауфф орналасса, бесінші орында оның отандасы Джессика Пегула тұр. Андреевамен финалда кездескен украиналық Элина Свитолина алтыншы орнын сақтап қалды.
Біздің серіктес: Sport12kz