1 күн бұрын
Қазақстандық теннисші маусымды үздік ондықта аяқтады
Әйелдер теннисі қауымдастығы (WTA) Индиан-Уэллсте өткен қорытынды турнирден кейін жұптық сындағы рейтингті жаңартты. Қазақстандық Анна Данилина маусымды жетінші орында аяқтады, деп хабарлайды Sport12.kz.
Жыл қорытындысы бойынша рейтингтің бірінші сатысына чехиялық Катерина Синякова жайғасты. Екінші орында америкалық Тейлор Таунсенд тұр. Үшінші орынды канадалық Габриэла Дабровски мен бразилиялық Луиза Стефани бөлісті.
Еске салайық, WTA-2026 қорытынды турнирінің жұптық сынының жеңімпаздары Синякова мен Таунсенд болды. Финалда олар италиялық Сара Эррани мен Жасмин Паолиниді жеңді.
Осы нәтижеден кейін Эррани рейтингте үш саты жоғарылап, тоғызыншы орынға көтерілді. Ал Паолини бірден тоғыз орынға ілгерілеп, 16-сатыға жайғасты.
Біздің серіктес: Sport12kz