Қазақстандық спортшы Азия кубогы кезеңінде үздік ондыққа енді

Оңтүстік Кореяның Кунсан қаласында құзға өрмелеуден Азия кубогының кезекті кезеңі аяқталды. Жарыста Қазақстан құрамасының спортшылары жылдамдық пен боулдеринг дисциплиналары бойынша сынға түсті, деп хабарлайды Sport12.kz.

Әйелдер арасындағы жылдамдық сайысында Анна Баларшина жетінші орынға ие болды. Арина Новицкая 17-сатыға жайғасты. Ерлер арасында Жандос Қалыбай 17-орын алды.

Боулдеринг бәсекесінде Азат Майкотов 29-орынға тұрақтады. Вадим Ишмұхаметов 36-орын, Матвей Есипов 37-орын, Глеб Семешкин 39-орын иеленді.

Әйелдер арасында Айханым Айдарханқызы 19-орынға, Полина Андреева 30-орынға, Виктория Адаменко 35-орынға жайғасты.

Біздің серіктес: Sport12kz