Қазақстандық балуан әлем чемпионатында алғашқы жеңісіне қол жеткізді

Қазақстандық еркін күрес шебері Едіге Қасымбек Астанада өтіп жатқан 2026 жылғы әлем чемпионатындағы алғашқы белдесуінде жеңіске жетті, деп хабарлайды Sport12.kz.

125 келіге дейінгі салмақ дәрежесіндегі іріктеу кезеңінде қазақстандық балуан грузиялық Александр Абрамишвилимен кездесіп, бірінші кезеңде-ақ 10:0 есебімен мерзімінен бұрын жеңіске жетті. Осылайша, Едіге негізгі кезеңге жолдама алды. Оның 1/8 финалдағы қарсыласы кейінірек анықталады.

Айта кетейік, Едіге Қасымбек биыл Жапонияның Айти және Нагоя қалаларында өткен Азия ойындарында қола жүлдегер атанды. Сонымен қатар ол 2026 жылғы Азия чемпионатының қола медалін иеленген.

Біздің серіктес: Sport12kz