Ризабек Айтмұхан әлем чемпионатынан кейін жанкүйерлерге жазба жариялады

Астанада өтіп жатқан күрестен әлем чемпионатында жүлдесіз қалған еркін күрестен қазақстандық балуан Ризабек Айтмұхан жанкүйерлерге арнап жазба жариялады, деп хабарлайды Sport12.kz.

Отандасымыз алғашқы белдесуінде Олимпиаданың екі дүркін, әлемнің алты дүркін чемпионы, Ресей өкілі Абдулрашид Садулаевтан жеңіліс тапты.

«Батырдың білегі күшті болғанымен, артында елі тұрса ғана рухы биік болады» Мен үшін қарсыластың атағы емес, елдің намысы биік. Боз кілемдегі әр белдесуімнің артында халқымның үміті мен сенімі тұр. Жеңіс тұғырынан көрінген сәттерім де болды, сүрінген кездерім де бар шығар. Бірақ жеңілістің ізін жалған сөзбен жуып-шаюға ниетім жоқ. Әр белдесудің өз шындығы, әр нәтижесінің өз сабағы бар. Бәлкім, тағдыр маған кейбір биіктерді әзірге бұйыртпаған шығар. Алайда ел намысы үшін күресуден ешқашан бас тартқан емеспін.

Бұл – аяқталу емес, керісінше, тыңғылықты жоспарым мен жаңа белестерге бастайтын жолдың басы ғана» деп жазды ол.

Ризабек Айтмұқан 2004 жылы 29 сәуірде дүниеге келген. Ол 2003 жылы еркін күрестен Қазақстан тарихындағы тұңғыш Әлем чепионы атанды.

Сондай-ақ ол бір жылда үш жас категориясында үш рет Әлем чемпионы атанды (2023). 2024 жылы 23 жасқа дейінгі жастар арасында Әлем чемпионы. Азия чемпионатының 2 мәрте күміс жүлдегері (2024, 2025 атанды.

Біздің серіктес: Sport12kz