ҚПЛ-дың 30 турына кімдер қатыса алмайды? 

Футболдан Қазақстан Премьер-лигасы 30-турында қызыл қағаз немесе сары қағаздардың көптігіне байланысты 14 футболшы ойнамайды, деп хабарлайды Sport12.kz.

Семейлік «Елімай» сапында негізгі құрамда жасыл алаңға шығып жүрген бес футболшы кездесуге қатыса алмайды. Олардың қатарында Арсен Әшірбек, Әділбек Жұмаханов, Хрвое Илич, Май Миттендорфер, Рамазан Оразов бар.

Ойыншылар тізімі:

«Атырау» – Санжар Сатанов;

«Астана» – Марин Томасов;

«Ордабасы» – Давид Абагна, Жасұлан Әмір, Сергей Малый;

«Елімай» – Арсен Әшірбек, Әділбек Жұмаханов, Хрвое Илич, Май Миттендорфер, Рамазан Оразов;

«Оқжетпес» – Иван Кузьмичев;

«Қайсар» – Клайдер Маседо;

«Қызылжар» – Юрий Перцух;

«Қайрат» – Александр Мартынович.

Соңғы тур алдында Қазақстан чемпионы және күміс жүлдегер де белгілі болды. Чемпиондық атақты мерзімінен бұрын «Ордабасы» жеңіп алды. Екінші орынды «Қайрат» иеленді. ҚПЛ-2026 қола жүлдесі үшін «Астана» мен «Оқжетпес» таласады.

Еске салсақ, «Тобыл» футбол клубы команданың бас бапкері Мирослав Ромащенкомен келісім-шарттың ұзартылғанын жариялады. Бұл жөнінде команданың баспасөз қызметі мәлім етті.

Біздің серіктес: Sport12kz