6 сағат бұрын
Ғалымжан Кенжебек жанкүйерлерден кешірім сұрады
Фото: ҚФФ
Футболдан Қазақстан құрамасының жартылай қорғаушысы Ғалымжан Кенжебек UEFA Ұлттар лигасындағы Словакиямен кездесуден кейін жанкүйерлерден кешірім сұрады, деп хабарлайды Sport12.kz.
Бұл жөнінде футболшы ойыннан кейін берген сұхбатында айтып берді.
- Матч бойы келіп, команданы қолдаған барлық жанға үлкен рахмет. Біз әрқашан жанкүйерлеріміз үшін ойнаймыз және оларды ренжітпеуге тырысамыз. Бұл лигада көрсеткен нәтижеміз үшін кешірім сұраймыз. Алда бізде әлі матчтар бар. Бәрі жақсарады, - деді ол.
Бұл кездесуде Қазақстан мен Словакия 2:2 есебіне қанағат білдірді.
Айта кетсек, Ғалымжан Кенжебек 2026 жылдың 10 қаңтарында еркін агент құқығында «Ахматтың» ресми ойыншысы болды. Келісім 4,5 жылға есептелген (2030 жылдың жазына дейін).
Қазақстан құрамасының жартылай қорғаушысы 2003 жылы Тараз қаласында дүниеге келген. Алматылық «Қайрат» командасы академиясында тәлім алған ол үлкен футболдағы алғашқы қадамын 2020 жылы аталған клубтан бастады. Одан кейін «Мақтарал» (Түркістан облысы), «Жеңіс» (Астана), кипрлік «Акритас Хлоракас», словакиялық «Кошице» клубтарында доп тепті.
Қазақстан ұлттық құрамасы сапындағы алғашқы кездесуін 2024 жылы өткізді. Қазірге дейін алты ойында бір голдың авторы атанды. Сондай-ақ ол еліміздің 17, 19, 21 жасқа дейінгі жасөспірімдер және жастар құрамаларында ойнады.
Біздің серіктес: Sport12kz