5 сағат бұрын
«Елімай» клубының тізгінін шотландиялық бапкер ұстады
Фото: 67hailhail.com
Шотландиялық маман Питер Левен «Елімай» (Семей) футбол клубының бас бапкері қызметіне тағайындалды, деп хабарлайды Sport12.kz.
Бұл жөнінде команданың баспасөз қызметі мәлім етті.
Питер Макдональд Левен 1983 жылдың 27 қыркүйегінде Шотландияның Глазго қаласында жүниеге келген.
Футболшы мансабында 2000 жылдан бері Шотландияның «Рейнджерс», «Килмарнок», Англияның «Честерфилд», «Милтон Кейнс Донс», «Оксфорд Юнайтед», «Джарроу Руфинг» клубтарында доп тепті.
Бапкерлік қызметінде 2014 жылдан бастап Шотландияның «Килмарнок», «Абердин», Англияның «Мидлсбро», «Ротерхэм», Беларусьтің «Динамо Брест», Ресейдің «Оренбург» командаларында бас бапкердің көмекшісі және өзге де қызметтерді атқарды.
Айта кетсек, бұдан бұрын 2023 жылдан бері семейлік клубта бас бапкер болған қазақстандық маман Андрей Карпович қызметінен кетті.
Биыл «Елімай» Қазақстан Премьер-лигасында 45 ұпаймен алтыншы орынға табан тіреді.
Біздің серіктес: Sport12kz